何猷啟當選東華三院主席 賭王三房家族成員齊集見證

賭王何鴻燊生前致力行善，一眾子女亦承傳父親嘅善心美德，忙於家族生意業務同時，亦分別透過唔同範疇幫助有需要嘅人。三房長子 何猷啟 就跟隨媽咪陳婉珍步伐，2016年開始擔任東華三院總理，2020/2021年度起歷任董事局副主席，今年更繼媽咪之後，成為何家第二位出任東華三院主席嘅成員。

何超蓮就開心分享細佬猷啟就職嘅相片，媽咪陳婉珍神采飛揚現身，家姐何超雲陪伴在側，而賭王二房同四房嘅家族成員都有出席盛會，包括何超瓊、何超鳳、何超蕸、何超儀、何超盈同何猷君。新任主席何猷啟自民政局局長麥美娟手中接過委任狀，正式接任主席管理東華院務。