第三屆香港流行文化節匯聚多位音樂人 王菀之 雲浩影為跨界音樂會演出

第三屆「香港流行文化節」四月展開，今年文化節一共提供超過二十項節目，更以「喜尚+喜」做活動主題，唔只可以令觀眾欣賞到精彩表演同作品，更以「喜」字為原點，剖析香港流行文化嘅發展脈絡，同觀眾一齊從笑聲中發現屬於自己嘅快樂。打響頭炮嘅開幕節目「光影共鳴 X 《豪門夜宴》(1991)」，就會喺4月4日，喺香港文化中心大劇院舉行。

另一個重頭節目，大型戶外音樂嘉年華《ImagineLand 2025》，就會喺一4月5至6日，一連兩日喺香港文化中心露天廣場、星光大道梳士巴利花園草地及活動平台舉行，活動免費供市民及遊客欣賞。節目分日間和晚間兩部分，日間節目包括「跨越界限音樂會」、「漫『Fun』體驗館」和「藝術部落」；晚間就有電影放映節目「星空電影院」。

其中「跨越界限音樂會」嘅三個舞台會呈獻超過35個嚟自本地及八個國家及地區嘅音樂單位，本地焦點歌手包括王菀之、鄧建明、林一峰、雲浩影、林愷鈴、Pandora和朱芸編等，就會演繹各具特色嘅流行及原創音樂，其他表演者就有：Heartgrey、Josh Dionisio、KAREN YEE、Loisey、半肥瘦 Boonfaysau、木子、張天穎、 薛德勇、陳俊烻、黃健怡、柯雨霏、徐嘉蔚、李鈞皓等。

而晚間節目｢星空電影院｣就會喺4月5至6日分別放映兩套電影——《飯戲攻心》(2022) 及《大內密探零零發》(1996)，觀眾可以坐喺草坪上享受戶外觀賞電影嘅樂趣。