Stephy每晚為男友護膚甜到暈 雲姨熱戀眼鏡呆Look一樣可愛

早前舉行完首次個唱嘅 鄧麗欣 同 新生代仙氣女歌手 雲浩影 呢日一齊出席活動，各有美感。完騷一身輕嘅Stephy早前「公開」同男友嘅合照，不過就以豬仔樣遮住男友嘅靚仔樣，仲話男友其實個唱全程在場，只係大家都冇發現咁話喎。

Stephy仲話每日自己管理肌膚之餘，男友亦同時受惠，有佢呢個專人侍候幫手打理，男友仲學埋佢晚晚敷Mask咁話。每個女仔都希望不時會有小驚喜，不過Stephy就指男友係直男，唔太識安排，不過亦都話簡單一樣好，唔使不時都搲爆頭安排咁話喎。

至於同音樂人處於熱戀期嘅Cloud，一提起男友就難掩笑意，又話嫌棄自己嘅眼鏡Look，但男友T-Ma就大讚可愛喇。