彭健新牛一慶祝未停過 阿倫三哥志偉送金咪蛋糕慶祝

閒時熱愛釣魚嘅 彭健新 今日踏入76歲，早年身為溫拿成員之一嘅「健仔」，就獲一眾好友包括 譚詠麟 曾志偉 苗僑偉 送上金咪蛋糕為佢慶祝，同數十年好友共聚嘅壽星非常高興，仲Post出咪高峰蛋糕特寫，而忙爆嘅 李克勤 亦激罕現身飯局， 鄺美雲 亦有向壽星健仔送上禮物。

而同佢早於70年代已成婚嘅太太Mona，亦早以為靈魂伴侶慶祝，喺另一場合送上壽桃同「菲林」芝麻卷祝賀丈夫。早於月頭已開始連串慶祝活動嘅健仔，連日來飯局不斷，慶祝活動一浪接一浪。