楊采妮罕與邱韶智同框 途經韓國約許茹芸夫婦見面

楊采妮、許茹芸、李心潔同梁詠琪四姊妹感情深厚，即使各人婚後分隔異地，但有時間就會珍惜見面機會，更一齊建立「小黃花慈善基金會」行善，以自身影響力去幫助更多有需要嘅人。

Valen近日遇到件開心事，就係等到好姊妹Charlie到首爾相聚，原來佢對上一次到訪已係11年前出席Valen同老公Mr. Big嘅婚禮。促成今次見面嘅美事，全因Charlie嘅老公邱韶智喺歐洲工幹回程，選擇喺首爾過境，而久未喺社交平台露面嘅邱韶智，同太太Charlie一樣超凍齡。

難得同Charlie夫婦見面，Valen就約埋老公一齊款待老友，又帶Charlie品嚐人生第一杯so-mek(燒酒+啤酒)，佢哋仲教Charlie夫婦有關韓國嘅飲酒文化同禮儀。Valen同Charlie最享受當然係姊妹談心時光，又引導兩位人夫感受吓現代潮人嘅青春氣息大玩自拍，幾日嘅相處盡於歡笑聲中度過，而佢哋亦計劃好下次帶埋小朋友一齊去旅行嘅行程。