奪命提示．花絮｜劉佩玥激情熊抱飛擒陳山聰 畫面刺激搞笑拍攝過程辛苦

熱播劇《奪命提示》雖然破案劇情緊張刺激，不過周不時都會有搞笑元素以及談情戲緩和嚴肅氣氛。劉佩玥同陳山聰呢對CP喺劇中關係難離難捨，亦受唔少觀眾喜愛，而喺一場阿Moon熊撲山聰，二人繼而激吻嘅戲份睇落好笑，不過喺拍攝時就好考驗體力同合拍程度，事關要拍得好睇又好笑一啲都唔易，淨係阿Moon撲上山聰身上呢個動作，佢地就拍咗幾次，因為二人實在太用力，所以好容易就會成個人撞落度門度，山聰都話拍呢場戲好似拍打戲一樣辛苦。
 
雖然畫面睇上去激情，不過山聰都好保護阿Moon呢位拍檔，而阿Moon就話冇諗過拍出嚟效果可以咁好笑，要多謝監製文偉鴻在場指導，又有山聰呢位好對手，令佢可以完全安心同信任去拍呢場戲。