連炎輝生日利是全數捐贈愛心基金 姚焯菲Z世代潮語考起黃庭鋒

TVB 除咗為大家提供高質素嘅電視節目之外，亦都好關心弱勢社群，積極回饋社會。呢日「無綫電視暨職藝員愛心基金」就舉行善款移交暨委任愛心大使活動喇。一直以嚟愛心基金董事曾勵珍女士，都會將佢生日所得嘅利是捐比愛心基金，而 連炎輝 今年亦都將日前舉行生日會所得嘅利是，全數捐予基金》，由基金主席 黃德慧 同星級愛心大使胡楓代表接受。

連炎輝話自己一直以來都秉持回饋社會嘅理念，亦呼籲大家有錢出錢有力出力，用自己嘅方法行善。

除咗修哥獲委任為「星級愛心大使」之外，呢日因工作在身未能出席嘅羅蘭姐，同張馳豪就分別獲委任「星級愛心大使」以及「愛心大使」，而同樣獲委任為愛心大使嘅 姚焯菲 林淑敏 黃庭鋒 呢日就有現身參與委任儀式，佢哋都覺得好榮幸。

修哥話自己一直都有投身公益，而家得到「星級愛心大使」呢個頭銜，更加有動力繼續做落去。大小姐就話次次參與慈善活動得到嘅滿足感，絕對係用錢都買唔到嘅經驗。而Chantel同庭鋒就希望嚟緊有更多機會可以同一大班同事齊齊行善。

日前《愛·回家之開心速遞》有一集播出內容，係有關而家新一代流行嘅潮語，作為Z世代嘅 Chantel呢日就袋定幾個潮語，話要考下Y世代嘅庭鋒，結果庭鋒完全被考起，一題都答唔出，generation gap嘅威力果然好大。