《水餃皇后》發放全新預告曝演出陣容 真人真事搬上銀幕重現舊香港

真人真事改編；金像導演劉偉強監製兼執導、馬麗主演嘅《水餃皇后》將於5月1日全線上映。新片發放全新海報同第二版預告，故事講述上世紀70年代，青島姑娘馬麗扮演嘅臧健和帶同兩女流落香港。臧姑娘為自同囡囡生計朝早洗碗，夜晚洗車，無依無靠嘅佢獨自扛下重重壓力，最後決定賣拿手水餃謀生。臧姑娘由小攤檔無人問津到門庭若市，身邊嘅朋友一直都無私協助。

最新發佈海報，亦曝光整個演出陣容，當中惠英紅、袁富華、王祖藍、江美儀、薛凱琪、謝天華、太保、張達明、林愷鈴、龔慈恩、王敏奕、谷德昭等等都有參與。而幕後陣容一樣強大多位金像級電影包括監製羅曉文、美術趙崇邦、作曲陳光榮、服裝奚仲文、視覺效果黃宏達及謝伊文等人，一齊落力打造新片

《水餃皇后》嘅全新預告亦同時推出，將7、80年代嘅香港同灣仔碼頭重現眼前，不論係臧姑娘同紅姐一齊生活嘅分租板間房，都將活靈活現於重現觀眾眼中。
預告當中無論鄰里同朋友之間嘅互助，定係臧姑娘同寶貝女嘅母女情，都充滿住愛，導演劉偉強希望觀眾睇完新片都會有所反思：「希望大家睇完戲之後都會諗起自己嘅母親，會想即刻返屋企食到媽媽煮嘅飯。」