楊洛婷攜女赴加國拜祭亡父 阿Tim送機與囡囡痴纏難捨

楊洛婷 年初經歷爸爸不敵病魔而離世，經過3個月時間嘅消化，Rebeea將父親嘅愛視作人生中最好的禮物。趁住囡囡Tanya放復活節假，Rebeea就孖住囡囡返加拿大拜祭亡父。

未能同行嘅老公阿Tim，親自送太太同囡囡去機場，阿Tim獲太太親吻答謝，但前世情人Tanya同爸爸Goodbye Kiss之後，就難捨難離咁攬實爸爸，非常痴纏。

飛抵加拿大之後，Rebeea就帶埋囡囡一齊去墳場，Tanya代細佬Tristan向公公送上親手整嘅手繪朱古力及信，孝心盡在不言中。Rebeea亦記錄呢幕畫面，再帖文流露不捨之情「漫長嘅三個月過去了，你好嗎？我哋好掛住你。媽媽真係好想你。佢每天都為你心痛。Tanya為你帶嚟一封信同一些手繪朱古力。」

Rebeea話Tristan指公公同佢一樣鍾意食朱古力，佢哋一家經常提起公公，而公公呢個重要嘅位置係無人能取替，再加上公公嘅愛同智慧繼續引領佢哋一家常在。