葉蒨文露肩長腿網球裝束 被好友拍片後匿車廂J片

靚女自然多人望，而佢哋嘅靚相亦難免會令人一再回味。參與TVB全新戀愛真人騷節目《女神配對計劃》嘅葉蒨文，近日就積極運動，務求展現最佳狀態，不論天氣翳焗，環境多蚊，都無阻佢做運動嘅決心！

呢日Sophie就分享咗一輯打網球嘅靚相，一身露肩上衫加短裙騷長腿運動裝束，盡現Sophie優美身段，而呢輯靚相係出自佢好友作品，Sophie仲爆好友幫佢影相拍完打波片後，就喺車廂度J片，不過呢位喺Sophie口中形容為變態嘅「汁汁姐」，其實係好友鄧伊婷。

Sophie又講到自己打網球唔係好叻，唔知未來另一半識唔識打網球，似乎已經準備好喺節目《女神配對計劃》尋覓真愛，其實女神之前已經分享咗自己嘅擇偶條件，佢話自己一向都鍾意眼細嘅男仔，性格要幽默及轉數快同時，又要斯文有禮冇架子，懂得尊重每一個人。相信大家同Sophie一樣都期待呢位真命天子出現。