人有相似｜陳友飯局遇99％似圈中人 即場「相認」事主開心瞓唔著

陳友 早前以太太嘅重病經歷同夫妻間嘅相處改編成舞台劇，友哥更坦承當年嚴重忽略太太，婚姻面臨破碎，當時友哥同太太同場出現非常溫韾。不過近日坊間就傳出友哥竟同外貌幾乎百分百相似嘅男士「相認」，而對方竟然更係圈中人！

周國豐 貼出一張相片，可見陳友同《中聲2》唱將 甘永傑 合照，兩人高度外貌都極為相似，佢仲寫道：「噚晚嘅飯局⋯⋯出現一幕孝感動天嘅感人場面⋯⋯呢兩父子⋯⋯終於相認啦」而百厭嘅Bryant亦留言話：琴晚相認返我都好開心，成晚瞓唔着」

呢兩個搞事Brian同Bryant，似乎係會嚇到友哥有得震冇得瞓先真，Bryant之後亦以合照喺自己社交平台出Post話：唔小心認返個老竇真實對話甘：陳友哥哥，四十幾年前一個風雨交加嘅晚上，唔知你做緊咩呢？陳：阿仔，唔好問咁多啦FYI Double Check咗，我哋係冇血緣關係嘅其實似唔似？睇落好似好似⋯睇真啲又好似唔係好似⋯

其實友哥嘅「真．囝囝」叫陳良韋，2007年曾參加香港先生選舉，近年同太太仲有一對子女於加拿大生活。而呢日「相認」嘅甘永傑唔止係中聲唱將，亦係一名建築師，仲同友哥嘅囝囝年齡只係相差一歲，更一樣已婚同為人員Daddy有個可愛囡囡喇。