鄭欣宜無預警下清空IG 惹約滿重新出發疑雲

鄭欣宜自從喺2023年四月突然停工後，就一直潛水無再出席公開活動，當時經埋人林珊珊，就表示欣宜的確係病咗，療傷之中，因此惹起唔少揣測，有指佢因為抑鬱症復發，亦有傳佢係秘密返咗加拿大生B，對於各種猜測，欣宜至今都未有作出澄清。

而喺今年一月，佢亦只係私下到陳淑芬家中拜年，並無公開露面。直到本月23日，欣宜無預警下，突然清空晒擁有41萬Follower嘅IG帖文，佢亦同時剷走YouTube頻道中所有Vlog，只係保留咗Facebook發文，不過佢最後一後一次更新內容，已經係兩年前嘅12月21日，有指欣宜清零舉動，係因為佢啱啱同寰亞約滿，似係想重新出發，而欣宜嘅好友許廷鏗上年亦透露咗欣宜正籌備緊新歌，種種跡象睇嚟，欣宜復出指日可待。