謝霆鋒啟德騷王菲低調捧場 隨《玉蝴蝶》起舞萬分投入

謝霆鋒 一連四場演唱會自星期四開始於啟德體育園展開演出，瞬即就成為熱門討論話題，不過首日就有觀眾指出音響效果出現問題，而主辦單位於周五第二場已即時作出調整，希望觀眾有更佳體驗。

演唱會唔止令等足廿幾年嘅各地歌迷都齊聚香港，就連近年甚少於香港公開露面嘅 王菲 亦都低調返港入場欣賞，有網上片段就見到﹐阿菲與一眾朋友於包廂內支持霆鋒，而台上嘅男友唱至《玉蝴蝶》時，戴住口罩嘅王菲更隨坐音樂起舞，非常投入，同過往形象Cool爆嘅佢有明顯分別，難怪網上其他片段都見到，霆鋒風騷到不得了喇。