莊子璇成《金式森林》團寵 郭晉安拉隊為哎吔囡囡慶生 何廣沛女友融入朋友圈

2023年港姐冠軍 莊子璇 喺4月11號度過23歲生日﹐連日來都分享唔少慶祝靚相，Hilary早前因為參演新劇《金式森林》同飾演佢爸爸嘅 郭晉安 相識，不時相約打網球之外，呢位哎吔爸爸亦同劇中嘅兩個囝囝何廣沛仲有陳浚霆﹐以及演後媽嘅 陳曉華 一齊為「囡囡」Hilary慶生，食好西之餘仲準備埋蛋糕。

《金式森林》呢一個家族相當有愛，廣沛更貼文話:「呢個妹真係好幸福，有阿爸阿媽同埋兩個哥哥仲要有咁多花花收，又有咁多人陪你去搭的士😌#金式森林」。Hilary嘅社交平台亦分享慶生飯嘅趣事，大夥一齊幫佢打燈影靚相，Hilary真係成為係《金式森林》嘅團寵，深受哥哥姐姐們嘅照顧。

而Hera亦同樣喺限時動態貼出合照，更將廣沛嘅女友一齊曝光，從事公關工作嘅Sarah相信同廣沛感謝穩定﹐加入男友嘅朋友圈子，Sarah嘅社交平台仲不時暗暗透露同廣沛平日嘅活動同步，不時低調出雙入對。