謝霆鋒啟德演唱會 17歲結他美少女成網絡熱話

謝霆鋒嘅啟德演唱會進行得如火如荼，相隔25年再開個唱嘅霆鋒每個細節都加求完美，當中樂手嘅班底更係集合多位出色嘅音樂人，當中包括 吳林峰 王雙駿 Jason Kui 恭碩良 等知名音樂人，而成員當中一位結他美少女更成為網絡熱話。

呢位全程毫不怯場嘅彈少女係只有17歲嘅Dale，過往已曾多次為歌手擔任樂手，演出經驗豐富，更師承自香港結他手兼生力軍男歌手銀獎得主 范梓謙(Teddy Fan)。

Dale曾在Tone Music Festival亮相，並與多位年輕歌手合作，包括Tyson Yoshi、Moon Tang、女團Lolly Talk等。

Dale自細就係一個好動嘅小朋友，更曾係港隊女子足球隊成員，佢自細就開始學習鋼琴，更有八級資格﹐不過覺得彈古典樂太沉悶，之後轉投學打鼓同彈結他。好動嘅Dale喺後台亦一啲都唔緊張，開騷前仲喺後台同其他拍檔偷閒一齊互相傳球，表現輕鬆。