孫儷楊紫現身北京國際電影節 林志玲任戲服評審責任重大

林志玲 孫儷 同 楊紫 等現身北京國際電影節「注目未來」單元頒獎禮嘅紅地氈，三位盛裝打扮各具美態，孫儷最近有兩套風格截然不同既劇集播出，一部係懸疑犯罪劇、一部係職場女性都市劇，喺都市劇中更同舊拍檔 胡杏兒 同場飆戲。

佢已經近4年冇出新劇，所以都大受劇迷熱捧收視口碑雙收，劇中仲獲唔少大品牌贊助，將佢打造成時尚幹練嘅女強人造型，佢亦大讚劇中服飾既經典又夠浪漫﹐好符合角色人設。佢仲希望同影視圈嘅新血合作，吸收新靈感。

而楊紫同韓東君合作嘅古裝劇早排先煞科，好快佢又要投入新嘅拍攝﹐雖然楊紫接拍唔少大熱之作，但係喺接作品方面佢就相當佛系，仲公開呼籲大家向佢投放好劇本，想同更多唔同導演合作。 

林志玲呢次唔止要著靚靚出席，佢仲有另一身份，因為佢要為單元嘅裝造創意榮譽獎擔任評委，選出戲服設計上嘅獎項。Chiling都話呢次用另一個角度欣賞電影，其實造型都係為角色服務，用微視覺去欣賞一部電影，會得出不一樣嘅結論。