梁家輝再做外公 細孖梁靜曦誕下小王子

梁家輝 嘅一對孖女早前先後宣布懷孕，大孖 梁穎晨Chloe 去下9月誕下小公主，而細孖 梁靜曦 Nikkie 亦喺27號Po出BB手仔嘅close-up照，宣布小王子平安出世。

Nikkie喺帖文中透露，囝囝叫做Thibeaux，已經係一個出生五日嘅BB，平時爸爸媽媽鍾意叫佢「Beau Beau」，而自己最鍾意做嘅嘢就係：「I like to sleep，eat and repeat！」

另外，日前網上流傳出一段「曾志偉72歲生日派對」嘅片段，片中再次榮升外公嘅梁家輝，畀志偉拉住出嚟獻唱，於是梁家輝就順手拉埋身邊嘅《中年好聲音3》參選者李金凱一齊嚟到志偉嘅生日蛋糕前，同占士丁丁一齊合唱《Stand by me》，而壽星公志偉則在旁伴舞，眾人玩得相當盡慶。