陳豪神級演技滿足廣告要求 勾起澳洲留學時人生大挑戰

陳豪 嘅專業態度兼好男人形象，一直深受廣告客戶垂青，最近佢就應邀拍攝銀行產品廣告喇。雖然拍攝當日阿Mo朝早先喺劇組收工，短休兩個鐘就趕往廣告拍攝現場，不過阿Mo貫徹敬業樂業精神，一埋位就精神十足，半日就轉換咗3個造型。

當導演要求佢笑嘅時候，阿Mo仲想像自己啱啱落機，有一班熱情粉絲迎接佢。語畢阿Mo就「視帝」上身，施展神級演技將嘴角自然上揚微笑，彷彿真係感受到嗰份熱烈嘅歡迎，盡顯親和力。

事實上，阿Mo喺拍攝中亦學習咗唔少理財知識，亦勾起佢年少時去澳洲求學經歷，佢話：「我當年喺澳洲讀書，初時一定會遇到適應上嘅問題，好似要自己解決住屋同交學費等，人生路不熟，真係一個大挑戰！好像嗰啲銀行匯款手續，真係繁瑣到好似解答數學題。」