鄧達智生日月慶祝浪接浪 夥大班好友私房菜飯局盡興

啱啱過去嘅4月20號係鄧達智嘅67歲生日，唔好以為生日已經過咗個幾禮拜應該慶祝完，因為人緣極佳嘅William，生日飯局完全停不了，仲係一浪接一浪。整個四月William已經數唔到切過幾多個蛋糕，而佢嘅另一半陳梓欣醫生亦非常體貼，經常陪伴在側一齊感受濃厚嘅朋友情誼。

而咁多場生日飯中，最大班朋友相聚嘅一次，應該要數到有鄭國江老師、賈思樂、劉天蘭、汪曼玲、吳大強同方健儀夫婦等出席嘅私房菜飯局喇。見到大家分享嘅飯局相片，經已感受到席間食得開心盡興，William感激一眾好友到賀，兼且大讚菜式佳餚非常美味豐盛，方健儀亦表示與丈夫有幸成為座上客，仲以四個字「星光熠熠」嚟形容整個飯局。