水餃皇后丨余安安重遊片場靚景打卡相 感覺如坐時光機回到70年代

余安安多年嚟都保持優美身段，不論任何服飾着喺佢身上都展現出一份女性美。安安姐早前有份參演嘅真人真事改編電影《水餃皇后》上映，佢都喺社交平台分享拍攝時嘅相片，喺相中嘅安安姐着上一身70年代款式，連身湖水綠貼身花裙，再配以身後充滿當時年代感嘅場景，唔講仲以為安安姐係拎返當年舊相分享。

開心分享靚相同時，安安姐話雖然佢喺戲中只係得幾個鏡頭，但好開心有幸參與一部勵志同正能量嘅電影。佢多謝劉偉強導拍出一部咁鼓舞嘅電影，人生總有高低起跌，互相支持同幫助，努力活出美好人生。安安姐覺得電影喺「母親節」期間上映，實在好有意義，佢本人欣賞嘅時候都感受良多，仲提觀眾入場欣賞時記得帶紙巾。最後佢話拍攝當日就好以一個時光機，將佢帶回到70年代，佢大讚啲場景實在太美麗，令佢忍唔住影多幾張相留念。