現年71歲嘅肥媽Maria Cordero喺30號晚突然於社交平台出Po，附上一張身在病房坐於床邊嘅相片，帶上口罩嘅肥媽顯得一臉倦容，並留言指：「今朝起身，又咳又唔舒服，而家聲都開唔到。抱歉，明天的Live要取消，唔好意思。」健康狀況令人憂心，呢個Post一出咗之後，好友們同Fans紛紛留言慰問及送上祝福。

不過去到5月2號，網上突然傳出肥媽病危嘅消息，仲講到似層層咁，幸好最後都只係謠傳，令大家虛驚一場。而當事人肥媽亦親自以語音回覆TVB娛樂新聞台力證身體狀況，雖然肥媽嘅聲線明顯低沉，有兩聲咳，但說話依然中氣充足，佢話：「多謝大家關心，我中咗新冠，今次好辛苦，入院食咗特效藥，好頭痛，發高燒，休息多幾日就冇事，多謝關心。」

肥媽一直擔任《中年好聲音3》評審之一，比賽已經接近尾聲，總決賽將於5月11號係啟德舉行，距離決賽日子餘下個幾星期，相信肥媽好好休養就會好快痊癒，可以預期現身活動。祝福肥媽早日康復，身體健康。