莊錠欣一氧化碳中毒暈眩被送院 一覺醒來始知踏過鬼門關保命

前韓團CLC成員莊錠欣Elkie 近年回流香港發展，喺5月2號旁晚，莊錠欣喺IG發長文向大家報平安，原來佢啱啱遊走鬼門關一趟，幸好已經甦醒並無大礙！

莊錠欣喺1號早上起床時頭痛，有啲暈眩，本來打算去完廁所後就食藥，但突然眼前發白直接倒地，被救護車送院檢查後才發現原來已經一氧化碳中毒。

雖然莊錠欣唔知發生咩事，但佢估計係同煤氣洩漏有關，喺帖文中表示：「它沒味道、沒煙、完全沒有聲音，我只是會覺得最近很累、想睡、頭痛，但因為平常就習慣了『撐』所以真的沒有察覺。」

入院後莊錠欣立刻接受檢驗，發現自己嘅碳氧血紅素濃度已經達到20%（正常人據說是1-1.5%左右），呢個情況已經屬於輕度中度中毒，經過住院檢查加高壓氧艙治療後，而家情況已經穩定，所以同大家報個平安，並感謝各方好友相助。

莊錠欣又以自身經歷提醒大家以下幾點，指一氧化碳無色無味，吸入去其實係完全冇感覺嘅。所以屋企有熱水器、煤氣爐、炭火暖爐嘅話，一定要確認通風。不係只有洗澡先會中毒，平常使用時，如果空氣唔流通都可能發生，所以強烈建議安裝一氧化碳偵測器，因為真係可以救命。

26歲嘅莊錠欣2009年小時候以童星出道，曾參與過TVB劇集《富貴門》拍攝，2015年當上練習生到韓國發展，加入女團CLC出道，至2021年退團，前年開發台灣巿場，今年初在港首辦個人音樂會。其家姐莊易羚亦係圈中人，曾任TVB娛樂新聞台主播，現時以拍劇為主，兩姊妹感情要好。