車淑梅與李我遺孀蕭湘飲茶年屆94歲精靈健康

有廣播界開山始祖之稱嘅李我離世後，佢嘅遺孀「播音天后」蕭湘就一直喺護老院養老，近年已甚少露面。而同呢位廣播界大前輩甚有交情嘅車淑梅，近日就喺社交平台分享咗同蕭湘姐以及香港第一代娛樂記者徐堂師傅一齊飲茶嘅相片。

相中所見，現年94歲嘅蕭湘非常精神，唔單止笑容滿面，更不時高舉姆指，表現得好精靈。淑梅姐仲大讚瀟湘姐思維頂呱呱，談笑風生，令大家都如沐春風，更用一個字「型」嚟形容佢。