汪明荃衣錦還鄉回上海開騷 憑歌與鄉親細訴逾半世紀情懷

汪明荃日前返到家鄉上海舉行演唱會，阿姐一直堅持住「只要歌迷們願意聽，那我會不斷地唱下去」嘅信念演出，而上海行之前，阿姐啱啱完成咗同周奕瑋喺東京嘅外景拍攝，不過返港後就發覺聲帶發炎，聲音沙啞，好彩睇完醫生後趕及康復，令上海站順利演出。阿姐大讚入場觀眾非常熱情，令佢都好投入，而互動部份玩得非常開心，令佢都好享受舞台，期待有機會再到家鄉開騷。

阿姐喺台上以歌聲引領全場觀眾踏上半個世紀嘅情感之旅，佢又分享堅守初心嘅訣竅「熱愛並持之以恆」。呢一種對於藝術初心嘅秉持，就係佢半世紀來能成「常青藤」嘅核心所在。上海站，阿姐將好多經典歌曲做咗重新編曲，無論係舞蹈定係音樂方面，都盡力畀觀眾帶嚟一場現代與傳統相融合嘅表演。繼上海站之後，下個月中，阿姐將會移師到廣州開騷。