張曦雯下月與張智霖拍新劇 有緣集齊張氏夫婦合作機會

張曦雯 可以話係劇接劇，正投入拍攝《俠醫》嘅佢，下個月又要開拍另一新劇《璀璨之城》，到時佢仲會同 張智霖 吳卓羲 高海寧 等合作。

之前Kelly就已經喺《模仿人生》同袁詠儀合作演出，而家可以再同Chilam一齊鬥戲，可以集齊同張氏夫婦合作嘅機會，成就解鎖嘅Kelly難怪都話好有緣，仲話之前同靚靚傾偈時，對方已經講定到時去澳門會帶佢去食嘢。

今次Kelly係首次同Chilam、Ron合作，佢指之前透過靚靚而見過Chilam一兩次，覺得對方相當Nice。Kelly指自己同高ling私下係好友，仲透露佢加入TVB後，第一個綜藝節目就係同對方一齊合作，不過演出電視劇就係第一次。

除咗演出機會不斷外，Kelly亦深受廣告客戶喜愛，呢日佢出席一個代言活動時，仲獲大會為佢預祝生日。難得張媽媽近日返港，加上佢同媽媽與及婆婆都係五月壽星，所以Kelly就提早同家人食飯慶祝生日及母親節，Kelly仲同媽媽一齊做spa當慶祝活動呀。