名媛望族Reunion丨鍾氏一家聚舊多年情不變 劉松仁與家人言談甚歡

2012年首播，以香港二、三十年代作為背景，勾劃家族情仇嘅台慶劇《名媛望族》，劇中一幕幕畫面都令觀眾留下深刻印象，當年憑此劇奪得視后嘅楊怡（現名：楊茜堯），喺戲中咬劉松仁咀唇嘅畫面更成為經典。

登入myTV SUPER後重溫《名媛望族》經典劇情

以劉松仁為主嘅鍾氏家族，眾演員建立咗深厚嘅感情，即使拍完劇後大家各散東西，但仍然互相關心。近日鍾氏家族就難得有機會一聚，江美儀喺社交平台開心分享：「老爺，大姐，四妹，阿五，大哥，三妹，重（仲）有我~ 你哋重（仲）記唔記得我哋呀？名媛望族reunion! 我覺得我哋咁多年無論個樣同大家感情都無變㗎！」

聚會上，劉松仁精神奕奕不停同韓馬利、馬國明、楊茜堯、馬賽、賈曉晨合照，茜堯都話大家見面時無所不談，感覺好似返到以前，好期待下次再聚會。Mary姐亦好開心鍾家合體，見到大家健康、幸福、開心、快樂，就係佢最大嘅心願。