《心急人上》作曲人James Ting 攜新歌七月舉行電音祭

鄧麗欣Stephy 早前喺演唱會上與Cookies幾位成員合唱《心急人上》，勾起唔少樂迷嘅回憶，同時亦令人再度注意到創作呢首歌嘅音樂人James Ting。

曾與鄭秀文、郭富城、容祖兒、Twins、Cookies等歌手合作，並創作出《心急人上》及《Ichiban興奮》嘅音樂人James， 最近搵嚟三位女團「三日月節拍 （Mikadzuki BPM）」成員白間美瑠、馬渡綾及 Anzu，合作推出由佢作曲、編曲及擔任監製嘅新歌《GAME START》。

白間美瑠係前NMB48成員及韓綜《PRODUCE 48》人氣選手；馬渡綾則係舞台劇出身，擅長昭和美學與現代視覺融合；Anzu則為TikTok話題女王，以「濕身系」創作爆紅。

提到今次嘅新歌，James表示「三日月節拍」 並不是偶像組合，而佢佢對未來音樂敘事嘅一次實驗：「我希望透過她們，把情緒、節奏與視覺融合成一種真正能跨文化的共鳴語言。而《GAME START》成首歌就好似一場跨文化、跨次元嘅冒險，港、日混合、現實夢境交錯，又有好多動漫、遊戲、街頭文化嘅元素。」而MV則喺東京及香港實地取景，每個城市配上 Emoji，就好似玩遊戲揀角色，視覺效果豐富。

推出新歌之餘，James將會喺7月於香港舉行《心急人電音祭》音樂會，主題以「Y2K懷舊 × 未來電子」為主題，融合香港黃金年代廣東流行曲與日本音樂文化元素，畀樂迷享受一場廣東歌電音盛宴。