一日打工限定｜龔嘉欣通渠遭大量曱甴衝擊 賴慰玲陷自我懷疑要轉跑道搵食

全新綜藝節目《一日打工限定》將於5月19號晚首播，節目邀請咗15位藝人參與另類工種，感受唔同行業嘅辛酸。呢日 龔嘉欣、劉穎鏇Tiffany、賴慰玲Winki、黎諾懿同吳偉豪Ricco 分別以自己打工限定嘅職人造型現身記招。

嘉欣率先分享做通渠師傅嘅衝擊，佢話一打開渠蓋全部曱甴飛晒出嚟飛向自己，真係嚇到跑走。而Winki就打工做魚販，佢話事前人生從未劏過魚，後來克服挑戰後變熟手技工，以為自己重此要轉跑道搵食。

諾懿嘅工作係兩餸飯店員，佢直認事前都睇輕咗呢份工作，粗略估計啲師傅閒閒地都識煮60道菜以上，而且仲要好快手。嘉欣指除咗娛樂圈，自己冇打過其他工種，今次真實拍攝令佢好大體驗同衝擊，因為唔係拍幾個鏡頭就算，真係要落手落腳吸糞同通渠。

而Tiffany就當上飛機維修員，佢話平日自己坐飛機就坐得多，冇諗過背後嘅飛機結構，令佢大開眼界。Ricco就接受裝修師傅挑戰一腳踢，全部都係佢從未接觸過嘅工作。