甄子丹康城電影節出席功夫論壇 太太汪詩詩同行寓工作於拍拖

宇宙最強甄子丹近日亮相康城電影界，佢今次係為官方活動「中國之夜」擔任形象大使，並且為功夫片論壇擔任主講嘉賓，太太汪詩詩亦有同行，丹爺工作之餘都不忘爭取時間同太太拍拖，實行寓工作於娛樂。

丹爺喺功夫論壇提及中國功夫電影注重傳承之餘都需要創新，佢以上年票房大收嘅電影《九龍城寨之圍城》為例，指電影成功除咗有功夫元素，仲融入歷史背景同娛樂性，所以先可以咁成功。

丹爺今次亦帶埋上年喺康城官宣嘅電影《誤判》來到宣傳，丹爺喺片中飾演檢察官，文戲同動作戲並重，都係一個新突破。

丹爺今次帶太太汪詩詩同行，兩公婆除咗喺街頭隨性擺拍，亦齊齊盛裝踏上紅地氈，參與法國電影《137號案件》嘅首映禮，詩詩亦有喺社交平台post出多張紅地氈靚相。