全新歌曲節目《聲秀》仍然進行面試當中，現年29歲曾任TVB娛樂新聞台主播嘅莊易羚亦把握機會報名，日前仲喺電視城進行面試，期望能夠同妹妹莊錠欣一樣成為歌手。

仍然等候面試結果嘅Axity未有減慢腳步，繼續把握時間練歌，佢仲喺睇完TVB娛樂新聞台報道《聲秀》面試新聞見到自己嘅表現後，喺屋企再唱多一次當日面試獻唱嘅歌曲《守望麥田》，可能因為身處屋企環境比較熟悉，兼且冇喺面試時嘅緊張感，Axity狀態表現得更自然淡定，有唔少網友同粉絲都留言支持。