鄭秀文澳門個場邀吳雨霏上台 Kary失聲堅持上陣被催復出

鄭秀文 第6場澳門演唱會邀請到 吳雨霏 擔任表演嘉賓。Kary因帶病上陣一度失聲，但佢都堅持上台演唱，兩人合唱一曲《愛是最大權利》後緊緊擁抱。Sammi於台上鼓勵Kary快啲復出：「你唔好成日掛住湊仔，幾時返出嚟唱歌？(我依家咪出咗嚟囉！)哈哈，係咪即係從此出嚟先？要問吓老公同仔女？(問吓佢哋先啦！)」

Sammi表示同Kary私下係好姊妹，經常聯絡問候近況。Kary就話：「Sammi真係好好，雖然第一次唱歌做嘢，但私底下成日message我、問候我、鼓勵我。所以我要多謝你，你真係一位好好嘅朋友同埋前輩。Kary仲大讚Sammi造型好靚，Sammi風騷表示：「係我身材靚！」

Kary表示12年前曾喺同一舞台開過個人演唱會，所以當獲Sammi邀請時，心情特別興奮，佢話呢晚要好好享受舞台，佢仲詢眾要求演唱《我本人》，全場即時歡呼拍手。

呢晚觀眾非常熱情，完騷後大叫encore，原本已返後台換衫嘅Sammi，抵唔住觀眾熱情折返舞台，全場起哄尖叫，Sammi強調要尊重場館守則，又笑言：「你哋畀我返去食嘢啦！」然後清唱一小段《醫生與我》和《值得》。