譚詠麟帶明星足球隊浙江出賽 老六兄弟首唱兼玩陶瓷體驗

由明星足球隊成員莫家淦、衛志豪、張智軒、潘梓鋒、羅鈞滿及伍偉樂組成嘅男團「老六兄弟」日前跟隊去到浙江慈溪出賽，佢地更帶埋新歌《Let's Goal》到當地演唱。雖然大家都唔係歌手出身，不過都非常有台型。
 
莫家淦喺社交平台分享多張照片，撰文表示：「開開心心的慈溪之行！又踢波，又唱歌，又製作陶瓷！『老六兄弟』更第一次將新歌帶給各位朋友，一起Let's goal!!!!!!!」從圖中可見，佢地嘅製作陶瓷之行仲有校長譚詠麟、洪天明及關禮傑等，佢哋唔只整陶瓷，仲有欣賞陶瓷成品，一班人玩得非常開心。
 
早前《中年好聲音3》選手趙浚承完成賽事後，喺明星足球隊舉牌歡迎下風光歸隊，而佢仲將李金凱、劉洋呢位兩位好隊友帶埋入隊，令大家都好期待三位中3生喺未來會唔會有更多合作，以及有冇機會同老六兄弟jam下歌、出下作品。