獨家・寵你一世丨戴祖儀揭家中地位被愛犬動搖 陳懿德游嘉欣發放實用寵物資訊

戴祖儀、陳懿德同游嘉欣為主持嘅全新寵物節目《寵你一世》出外景，到訪寵物公園分別跟貓貓狗狗互動。寵物主人最擔心應該係見到寵物病咗，游游就話寵物周不時都要去睇醫生，德德都憶述當年狗狗離世前，喺專科睇症時費用好貴，甚至比人睇醫生貴幾倍。

節目中，三位主持都會為觀眾帶嚟養寵物嘅實用資訊，例如邀請動物傳心師上節目，解答點解狗仔成日吠，幾時係開心同唔開心等。Joey就話同動物嘅溝通係好重要，好似點解做指令而狗狗係冇反應，因為同狗狗唔夠老友，而Joey話自己有個萬用百寶袋可以幫到手。Joey又分享因為屋企有養寵物，而令佢地位失寵嘅故事。