梁采貽帶舊照給偶像簽名 胡杏兒手執相片真呼好驚

前名 梁家琪 嘅2022年港姐 梁采貽 日前擔任發布會司儀，得知偶像胡杏兒會同場出席，佢就準備好一張09年嘅合照畀偶像簽名。當杏兒接過相片簽名時，得知相中嘅小朋友有采貽時，就話「係二十幾年前照片嗎？好驚! 」采貽表示相片係14年前影，當時自己得9歲。

原來當年采貽參加跳舞比賽，杏兒擔任嘉賓，佢話「今日見到杏兒好激動，好開心，仲要多謝師姐好貼心，喺我個樣嘅位置簽名。而我一直保留呢張相係因為細個就鍾意佢，而佢演出嘅電視劇我都有睇，演技好好，有才華，係我學習榜樣。今日我因為做大會司儀，可以有機會喺台上，近距離企喺杏兒姐姐旁邊傾偈。」  
采貽近排喺TVB接受藝訓班訓練，亦開始學習新興運動Pickleball，佢發覺呢項運動幫助到自己減壓同修身，希望可以段練到好身段，夏天時派福利晒泳衣照。