獨家丨何廣沛加盟球隊被封籃板王 潘靜文展風姿快攻上籃得分

HERO籃球隊呢日參與學界籃球賽，出席嘅除咗有許家傑、周志康、孔德賢、鄭衍峰等原有班底外，仲加入幾位新成員 何廣沛、 曾展望 同 劉頌鵬Enson，但成隊人着住兩隻顏色嘅球衣，原來佢哋要兵分兩路對抗，嚟場友誼大考驗。家傑話兩隊嘅球員分配都好平均，而未出場嘅曾展望，竟然喺更衣室受傷，整傷右手。

新加盟嘅廣沛同Enson，兩人實力被受肯定，而Enson喺十年前經已同HERO交過手，因為當年HERO到佢就讀嘅中學School Tour，佢話當年讀書都好辛苦，突然有班明星嚟以波會友，令佢好開心。而家自己加入埋HERO，佢覺得呢份精神要傳承落去。廣沛話一直有同大家打波，只係工作忙而較少參與，阿康大讚廣沛搶籃板能力好強，而羅天宇話自己年紀開始大，體力下降，快攻就交畀隊友。

喺一堆男隊員當中，潘靜文嘅出現非常搶眼，喺場中接應隊友傳波就快速運球上籃得分。原來Sherman自小學開始就打籃球，但去到中學時，因為訓練太辛苦而轉打排球。球場碰撞在所難免，Danny喺場中就撞傷鼻退下火線，侯雋熙搶籃板而拗傷腳，最後要隊友抬出場。