李元元展示鋼琴比賽獎狀 李斐斐不甘示弱晒斷腳X光片

喺香港成長嘅小朋友，唔少都係能文能武，運動音樂樣樣都識，儲儲埋埋有唔少比賽獎狀或修畢證書。李璨琛 同 梁志瑩Sophia 嘅大女李元元自細就活潑可愛，近年更獲父母發掘出音樂天份學彈鋼琴，先後參加多個賽事。

能夠喺台上能夠發光發熱發揮才華，作為父母嘅當然要為小朋友好好記錄，Sophia呢日就將李元元喺比賽中獲得嘅獎狀鋪滿地板，再叫元元瞓喺中間展露自信嘅笑容畀媽媽影低。

幫得家姐影，當然唔少得妹妹李斐斐嘅一份啦！Sophia就晒出兩張「絕殺」戰績 — 斷腳X光片嚟幫妹妹影相！斐斐笑得相當開心、瞓喺兩張X光片中間擺晒pose畀媽媽影相，雖然斐斐嘅右腳仍然包住咗，但仍無損佢嘅可愛，仲吸引到蔡卓妍、徐濠縈、莊思敏、江若琳老公蕭唯展等留言。