劉晨芝主演真人騷L.A.舉行首映 透露正籌備第二季並於當地取景

劉晨芝早前圓夢製作同主演香港首個英語真人騷，揭示名人同社會名流社交生活瘋狂嘅一面，晨芝早前返到去佢嘅發源地美國洛杉磯舉行盛大嘅首映紅地氈，慶祝節目會喺一個國際串流平台播出。

過往晨芝都有幫唔少荷李活嘅影視作品做製片人，所以佢都識落唔少荷李活嘅幕前同幕後，佢除咗請到喜劇演員兼名主持人Jaime Monroy為晚會揭開揭幕，亦有唔少當地嘅監製同演員現身紅地氈黎支持晨芝。第一季揾嚟唔少老友助陣真人騷，晨芝透露第二季亦籌備當中，佢話第一季大部分喺香港取景，而第二季就會喺香港同LA兩地拍攝，希望繼續將香港宣揚比世界各地嘅觀眾。