林憶蓮巡演4萬觀眾大合唱 出道40年憶北京生活細緻味道

華語天后 林憶蓮 暌違9年後重返北京舞台，周六於北京工人體育場舉行「迴響Resonance」巡演北京站演出，作為出道40周年里程碑。

演出前一日，Sandy亦喺在社交平台分享多年前喺北京生活嘅回憶：「喜歡水餃，尤其喜歡北京的水餃，總覺得有點兒特別。」佢又對現場嘅北京歌迷話：「距離上次來北京已經是9年前了，回到北京有一種很特別的感覺，我對北京其實是有點偏心的，我覺得這是一個可以讓我活的自在，做自己的城市。想說的其實都在音樂裏面，希望你們喜歡。當你失落迷失的時候希望你們記住今天晚上，記住你們並不孤單，有我的音樂陪著你們。」

而早喺演出開始前，歌迷已自發喺三里屯舉辦林憶蓮海報展覽為演出造勢。演出之前嘅綵排更有無數歌迷圍繞喺體育館外圍聆聽現場聲音。

演出當晚《一呼…一吸》嘅歌聲響起，全場4萬觀眾與Sandy沉浸於音樂對話中，身穿銀色光纖服裝裝嘅Sandy隨巨大機械圓盤緩緩升起，隨後緊接一首極高難度嘅《柿子》點燃全場歌迷心情。

Sandy之後唱出經典金曲《傾斜》，舞台機械裝置同時啟動，三座巨大圓形升降台拔地而起，帶領歌迷穿越到90年代香港繁盛都市。之後Sandy先後獻唱《寂寞流星群》、《野花》、《逃離鋼筋森林》等粵語金曲，加上近年飽受好評嘅新作《纖維》、《歸零》等作品。

而之後嘅《傷痕》、《夜太黑》、《鏗鏘玫瑰》等更係萬人大合唱，現場歌迷嘅呐喊支持非常常熱烈，期間Sandy數次落淚。而《至少還有你》旋律響起時，全場4萬人揮舞螢光棒嘅合唱，令體育館化作一片星海。

演出尾聲，Sandy以一身全白造型再次現身，為觀眾帶來最後數首歌曲。 而稍候Sandy嘅巡演將分別移師太原、汕頭、上海、南京、澳門同長春等城市演出。