StarTalk｜BKPP參演翻拍搞笑鬼片 CP再演好拍檔狂加泰國特色元素

泰國BL劇爆紅CP Billkin同PP早前參演重拍自台灣知名高收電影嘅泰國版，當時消息一出外間已認為參演嘅非BKPP呢對CP莫屬喇，早前佢哋齊齊來港為新片宣傳，仲接受 王鎮泉 《StarTalk》專訪，暢談拍攝呢部新作嘅趣事。

電影改編自年前台灣嘅原作，加入唔少泰國本地元素，佢哋就認為當中唔少文化同搞笑對白都同原版大有不同，仲話如果大家睇過，就會非常明白當中嘅分別，更認為當中分別帶出唔同面貌嘅笑料呀。

雖然係笑片一部，不過Billkin片中就一樣有唔少動作打鬥甚至槍戰場面，佢就指事前一旱就做好唔少準備，亦會同對手早早過好招綵排，務求效果逼真之餘亦有豐富笑料，希望大家感受到刺激又有趣嘅劇情。

而扮演鬼魂嘅PP，就指片中成日要吊威吔，加上唔可以觸碰到其他角色令佢覺得非常大挑戰。而其中一場裸跑戲同原版一樣繼續會重現，Billkin話於實際街道拍攝，雖然有封路╴不過要扮正被鬼上身就令佢有啲難為情同尷尬喇。

PP於浴室場口於胯下突然出現一幕，亦同原版經典如出一轍，PP就指指攝時自己由路軌推動而出現，加上CG效果，令畫面變得非常有趣。

身為於泰國當地非常合拍嘅好拍檔，Billkin同PP關係緊密已經猶谷家人一樣，Billkin仲認為非常難以言語去恰當形容兩人到底係咩關係，又認為大家於對方心中都有唔同角色，係非常特別嘅存在呀。