關嘉敏聯同門藝人為老闆慶生 朱紫嬈興奮同時見盡公司藝人

關嘉敏 葉泓聲 陳善渝 松岡李那 龔柯允 朱紫嬈 朱斐斐 等藝人日前為公司老闆 顏培意 安排飯局慶生兼慶祝公司踏入10週年。雖然「大師姐」 李施嬅 因拍攝《新聞女王2》未能出席，但佢亦有向老闆培哥送上祝福。

Carman，Odi 及Gordon 作為公司最資深嘅藝人，就表示呢十年來老闆一直尊重佢地嘅諗法，唔會硬性規定發展路線，反而鼓勵大家嘗試不同領域。而Linah就話培哥俾好大發展空間，令佢可以兼顧中日兩地市場。

今年3月先加入公司嘅朱紫嬈就話，終於可以同時間見盡同公司嘅藝人朋友，更同一樣係實力派歌手嘅龔柯允及鄺星宇即場交流唱歌心得，又約定一齊拍片唱歌。最巧合係朱紫嬈同韋雄唔只相識多年，仲要係同月同日生，依家仲成為同門師兄妹。

新晉女團 Uni首次參與公司大聚會，隊長思澄表示：「第一次見咁多師兄師姐有啲緊張，但佢地個個都好親切，仲問我地籌備新歌辛唔辛苦！分享咗好多經驗俾我哋。」