楊千嬅丁子高拍拖18周年 自爆被揭緋聞轉飛首爾避風頭

楊千嬅 同 丁子高 結婚多年，阿仔Torres都已經12歲，但佢哋兩夫妻感情依然係咁恩愛。5月28號係佢哋拍拖18周年紀念日，喺呢個咁值得紀念嘅日子，千嬅就係社交平台大放閃光彈，上載咗一張2007年同丁子高剛拍拖時遊首爾嘅舊相，分享佢哋兩個當年「飛女正傳」嘅愛情故事。

千嬅鬼馬寫道:「18年前上演的《飛女正傳》，時間：2007，地點：首爾，故事大綱：丁，楊2人邂逅於朋友的生日派對，後來二人拍拖外遊，期間被傳媒突揭緋聞，原本差不多回港，臨時決定轉飛首爾避風頭，結果額外多了一個甜蜜的假期（同埋食咗好多kimchi) (此時音樂響起：世界將我包圍，誓死都一齊）18年過去，劇本仍在譜寫中，大家繼續努力，活出更精彩的內容，待續)

除咗唔少粉絲留言大讚兩人嘅愛情故事好浪漫，仲祝福佢哋永遠幸福之外，丁生亦都留言比咗個送吻emoji千嬅，可見佢哋兩夫妻真係sweet到爆呀。