電影泉攻略｜伍允龍靠傻笑取勝演活「王九」

王鎮泉 Jeoffrey每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。

今集《影人Talk》邀請伍允龍（Philip）大談將佢推上事業高峯嘅《九龍城寨之圍城》王九一角。Philip就話電影動作指導谷垣健治喺開拍前會為每位演員進行動作訓練，反而對Philip就係快將要拍動作場面時先再做設計，而Philip負責嘅練習就係學「發掘角色」，導演要佢笑，佢就開始試不同方式嘅笑。Philip第一日開工就係拍電影開場，林峯所演嘅陳洛軍打黑市拳嘅戲份，雖然方向係啱，但亦冇被人太大認同。直到第二日拍攝一場同洪金寶一齊殺人嘅戲份，當時Philip決定豁出去演同傻笑，呢個演法被劇組認同，先變成大家喺電影中睇到嘅「王九」。

作為一個電影愛好者，Philip就話係《醉拳》第一集，當初移民到美國時會不時去唐人街租功夫片鍍影帶睇，佢仲好記得自己係租日本版，因為同香港版有所不同，自己仲將盒帶睇到花曬，更將對白倒背如流，而因為呢部戲令佢種下想入行嘅電影夢。直到2014年拍攝《惡戰》同當年為《醉拳》執導嘅袁和平（八爺）合作，八爺細佬袁祥仁亦在場，Philip拍拍下聽到對方突然講起《醉拳》對白，自己仲即刻更正對方添。

本周新片速遞：《史迪仔》，個性搞笑鬼馬之餘又不失溫馨，古靈精怪外星生物史迪仔逃亡流落夏威夷，巧遇孤獨女孩妮露從而結成好友，幫佢修補破碎家庭。
《腓尼基大作戰》，五十年代神秘工業巨頭Zsa-Zsa喺經歷多次暗殺及意外事故後，仍堅持完成一項歷時數十年嘅龐大基礎建設計畫，試圖開發一片被忽視嘅資源豐富地區。為確保計畫傳承，佢邀請素未謀面嘅年輕修女女兒加入，培養佢成為繼承人，並展開段段動人而詼諧嘅父女歷險之旅。

《還魂》，由《手靈》鬼才雙胞胎導演丹尼菲利普、米高菲利普再度聯手編導！時隔三年強勢回歸，帶嚟全新驚悚力作！一對兄妹喺父親離世後，被安排寄養位於偏僻郊區嘅屋企。本以為係新開始，但喺無意間發現養母嘅神秘儀式。

《向陽·花》，為幫女兒購買價值20萬嘅人工耳蝸，高月香鋌而走險被判刑入獄，繼而結識黑妹、鄧虹、胡萍、郭愛美。四人雖然性格不同，但都有「同生活硬碰硬」嘅態度，四人唔服輸、唔認命，面對命運挑戰一路為彼此撐腰，向陽而生！

本周票房龍虎榜：截至5月28日中午：第三名《水餃皇后》；第二名《死神來了：血脈》；《職業特工隊：最終清算》