曾樂彤徐浩網上放閃 曬鑽戒報喜已定婚

曾以歌手身份出道嘅音樂人 徐浩 與 曾樂彤 宣佈定婚，兩人分別於社交平台發佈喜訊。有傳兩人年前合作歌曲時互生情愫秘戀，又曾一齊蜜遊日本。

兩人星期齊晚同步於網上公開放閃，拍拖數年已成公開秘密嘅呢一對，分別留言話「徐監製，繼續合作愉快」，而準新郎就寫道：「I'll be spending the rest of my life with the cutest weirdo I've ever met.」

徐浩早年曾與 連詩雅 拍拖3年，近年專職音樂監製，創作大量流行曲，包括未婚妻嘅新歌《白月光》、《蚊子血》等，同時亦同大量新生代歌手合作，唔少近年大熱新歌好似《企好》、《老派約會之必要》、《記憶綿》等佢都有參與製作，亦曾參與兩輯《聲夢傳奇》。

曾樂彤擔任歌手前，曾於影片頻道主力拍攝美妝同旅遊內容，更被稱為YouTube界清泉，2017年加入樂壇推出《單身旅遊日誌》成為新生代歌手之一，亦有參與填詞工作，去年起開始獨立發展。