鄭伊健驚喜現身陳小春演唱會 與陳光榮唱《友情歲月》逼喊山雞

早前 鄭伊健 被 經理人 林珊珊 公開一直未有接拍內地綜藝節目嘅原因，指出係因為伊健自認綜藝感不足，而唔少真人騷更需長期被鏡頭跟拍，雖然早年曾同 陳小春 合體嘗試，奈何未能適應下，之後就未有再接任何類似節目喇。

陳小春 近年於內地發展如魚得水，近日佢於內地展開新一輪演唱會，首站31號於上海舉行，久未同台合作嘅「浩南」同「山雞」就驚喜同台，伊健現身為小春擔任嘉賓，兩人先由 陳光榮 伴奏下合唱年前合拍嘅電影主題曲《一起衝一起闖》，之後小春仲向伊健叫一聲「大佬」作多謝。

伊健同陳光榮離場時，又叫小春轉身瞌埋眼，話有禮物要送俾佢，點知就係兩人為小春再唱一曲《友情歲月》，小春聽完後更感觸到當場落淚，非常感人。而小春太太 應采兒 同兩個囝囝都有到場、楊千嬅亦係座上客。

小春嘅演唱會將繼續巡迴，而伊健月底起亦會舉行北美巡迴演出，明年《古惑仔》公映30周年，唔知一眾「洪興」成員又會唔會有其他紀念活動舉行呢？