陳山聰 、 阮浩棕 及日本美食達人 陳方藤Meter 主持嘅全新旅遊飲食節目《人生美食地圖 東京篇》，將於6月9號晚喺翡翠台播映，呢日佢哋現身電視城出席記招，山聰話成個節目自由度好高，任由佢哋自由發揮。而Meter就話咁多年嚟有唔少小店、舖頭都袋咗喺褲袋好耐冇介紹過畀人，但呢次介紹畀山聰同阮浩棕係好值得呀。
/public/article/content/202506/6878fdd2-ef2d-4fed-8945-c9d8af0c0505.jpg)
首次去日本嘅阮浩棕，話吸引佢拍呢個節目，唔係因為日本係香港人嘅旅遊聖地，而係因為節目中會有好多機會畀佢分享關於「人生」呢知話題，亦因為咁所以佢先答應拍呢個節目。好多人都以為阮浩棕已經去過日本，所以好多事都以為佢會知，點知喺開會時大家先知佢從 未 去 過 日本，搞到好多嘢都要幫佢安排好，阮浩棕仲話由於佢係後join攝製隊，所以出發當日佢係自己一個飛去日本，製作組怕佢唔識搭車，除咗幫佢安排接載車外，仲有諗過要搵人舉牌接機。/public/article/content/202506/e3741b91-9987-46ff-a9d7-8deb8b72b3af.jpg)
訪問期間講起阮浩棕嘅情路好崎嶇，點知佢就以為大家講緊佢嘅工作生涯，於是佢即時啟動感性mode指會喺節目中分享自己處於低谷時嘅感受，講講下Meter越聽越唔對路，先出言提醒大家係想講佢感情路上嘅崎嶇史，而山聰亦笑問佢係咪聽唔明中文，搞到阮浩棕勁老尷咁話自己年青時成日會被劈腿，但一切都已經過去喇。而山聰就話人生要有多啲畀人飛嘅經驗，佢仲話自己喺過往嘅戀情中，都係被飛嘅一個呀。/public/article/content/202506/e1bf96c1-0212-44de-8b6f-0a4f373e6c8b.jpg)
講到林夏薇近日被官司纏身一事，作為佢嘅好友山聰就叫大家唔使擔心薇薇，指對方已發聲明，相信薇薇同佢老公都識得點處理，做朋友畀啲空間佢就夠喇。/public/article/content/202506/c3d1ad32-b972-4623-a28b-3548f5d0b883.jpg)
《人生美食地圖 東京篇》6月9號起 星期一至五晚 22:30 翡翠台