沈震軒重拾歌手夢推新歌唱出心聲 化身情歌王自彈自唱冧Fans

沈震軒 近日推出新歌《最幸運的平凡人》，為配合宣傳佢喺商場舉行Music Live唱足6首歌，仲大騷琴技，邊彈鋼琴邊唱歌冧粉絲，成個情歌王咁演繹咗《講多變真》、《越難越愛》、《約誓》、《修煉愛情》、及由他作曲的舊作《我很好》。

Sammy加入公司3年，首度獲公司為佢出新歌，佢笑指自己都係英皇新秀出道，之前都有喺公司嘅Pop up Store做busking，重拾歌手身份，同時好慶幸有機會可以再有新歌推出，第一首重新出發嘅歌曲，當然想寫返啲關於自己貼身感覺。

講到早前自編自導自演嘅《車廂擺渡人》短劇，Sammy原來亦有招募素人拍攝。今次Music Live首播素人版本，主角更專登到場支持，Sammy特意走到台下與同呢位素人主角一同觀看短片，期間Sammy感動到眼濕濕，Sammy解釋：「想透過平凡人嘅小故事，呈現生活中嘅溫暖時刻。」