中聲1嘅冠軍周吉佩同出爐嘅中聲3冠軍黃博，兩位都係公認唱得之人，雖然暫時佢哋喺幕前未有公開合作，但兩人惺惺相惜。吉吉日前就邀請黃博一齊合唱一首十幾年前，由情歌王曹格同卓文萱合唱嘅經典作品《梁山伯與茱麗葉》，兩位中聲皇者盡顯深厚唱功，不單非常合拍，而且拿捏高音收放自如，完美演繹呢首歌曲，令唔少吉S粉同觀眾聽出耳油，個個留言激讚歌聲悅耳，封吉吉同黃博為「超級靚聲王」。
吉吉上載呢個Post時留言表示：「等學生系列，終於揾到人合唱《梁山伯與茱麗葉》，太開心了！」而畫面中見黃博素顏上陣，突然變咗學生妹模樣。有唔少網民欣賞完呢幕之後，大讚吉吉嘅唱功有大躍進，期待下見到嘅畫面係中聲123嘅冠軍一齊會唱，稍後各位觀眾終於可以如願以償，因為吉吉、古淖文同黃博將會喺6月7號晚嘅慈善節目《萬眾同心公益金》中將會一齊登場演出。
