周星馳執導嘅新戲《少林女足》由前期選角到開拍，保密功夫做到足，淨係知蔡思貝、迪麗熱巴、張小斐都係「星女郎」之一，近日亦有傳電影已經煞科，令大家都好期待上映！
最近星爺就喺社交平台分享連串影迷探班相，呢11位影迷都係一直購買星爺NFT產品嘅支持者，為回饋大家一直支持，星爺更親身接待佢哋到片場探班遊覽並細心講解，圖中可見片場布滿為做後期而設嘅綠幕同人造草皮。星爺打扮悠閒，唔只著住洞洞膠鞋，仲有一身白色T裇、頭戴鴨舌帽同口罩，不過佢對影迷非常親切，不單止同大家影大合影，連簽名都絕冇托手踭。
事後星爺表示：「Nobody帶領潛行者深入億元級片場，完成一次難忘的電影現場任務。小人物，成大事！從觀眾變成見證者，從Nobody成為現場的Somebody！真實見證，現場互動，所有都是最好的安排！」
