今年陸續有戲院告急結業，令本身已經係寒冬嘅電影業雪上加霜，不過電影業界喺6號終於有一個好消息！原本宣布將會喺9號結業、嘉禾院線旗下嘅MegaBox戲院，將會由影藝戲院接手，並升級成「CineArt MegaBox」，係東九龍區內首次配備同為區內唯一嘅IMAX®️ with Laser巨幕。另外，影藝戲院於鑽石山荷里活廣場中嘅「CineArt Hollywood」亦會於今個暑假開幕。
即將搶先開幕嘅「CineArt Hollywood」樓高兩層，佔地38,000 平方呎，並有6大影廳提供約 1,600 個座位，係東九龍區內最大型戲院。
而緊接登場嘅「CineArt MegaBox」，係影藝戲院自2018年與九龍灣影迷暫別後，相隔7年再度重臨同區。戲院將會提供7個影廳，係九龍灣區內最多影廳嘅戲院，當中包括採用東九龍區內首次配備同為區內首塊IMAX with Laser巨幕。
