熱播劇《刑偵12》 林保怡 令案情更加懸疑複雜，真係睇少眼呢幾個各懷鬼胎嘅 角色都隨時會爆發失控，其中扮演林保怡嘅妹妹IT女 丁少婷 嘅Amber陳若思，到底同七宗罪有咩關連，又有咩盤算真係難以預料。
雖然Amber一對孖辮Look演出吸引唔少觀眾，不過到底蘊含住咩秘密就真係虛實難料喇。由《港女野人》今次變身成丁少婷，同唔少好戲前輩好似 林保怡 張松枝 等合作雖然係非常好機會，不過要同場鬥戲就令佢充滿壓力，其中一場喊戲仲因為自覺表現唔夠好而事後爆喊。
Amber亦似乎對呢次有份參演《刑偵》非常有滿足感，劇集開播以來非常勤力於社交平台宣傳，仲開Live同觀眾一齊討論劇情，近日仲爆出，日前一集嘅鋼琴廠戲份，原來係一間荒廢以久嘅空置舞廳，拍攝空檔佢仲拍低影片同大家分享現場有幾強勁嘅恐怖懸疑氣氛呀。
《刑偵12》星期一至五晚 20:30 翡翠台